"Judge all you want, but married a lesbian, left a man at the altar, fell in love with a gay ice dancer, threw a girl's wooden leg in the fire, livin' in a box!!!"
Nú sit ég í vinnunni og sem betur fer örlar ekki á þynnku. Ef ég væri þunn núna væri ég væntanlega búin að hoppa út um gluggann eða reyna að einangra mig inni í ísskáp (sem er mjög erfitt því hann er alveg rosalega lítill) vegna þess að ég er að vinna með Þórgunni. Hún er einmitt magnari sem gengur ekki fyrir rafmagni. Helsti ókosturinn við það er að það er ekki hægt að slökkva á henni eða taka hana úr sambandi. Nú situr hún einmitt og spjallar þessi lifandis ósköp við sjálfa sig um allt og ekkert, aðallega þó ekkert. Ég held samt að ég skelli mér nú bara í bólið þegar ég er búin að vinna. Ég verð að vera klár í slaginn fyrir þriðja í djammi (=partý hjá Óskari og Kötu). Það er ekkert eins nauðsynlegt og að eyða alveg örugglega öllu sem maður gæti slysast til að hafa lært eftir prófin.
