|
|
Hmmm... |
|
|
|
"Judge all you want, but married a lesbian, left a man at the altar, fell in love with a gay ice dancer, threw a girl's wooden leg in the fire, livin' in a box!!!"
|
|
|
|
|
|
|
|
|
laugardagur, september 27, 2003 |
|
|
|
Enn á lífi
Já, ég er enn á lífi, þótt ég hafi farið í Kópavoginn í gær. Alveg makalaust hvað Kópavogsbúar eru undarlegur þjóðflokkur. Það má ekkert segja um illa skipulagt bæjarfélag þeirra án þess að gríðarleg þjóðernishyggjan blossi upp. Ég var t.d. beinlínis þvinguð til að spyrja spurninga í vísindaferðinni í gær. Nú, fyrst maður var nú einu sinni kominn með byssuna upp við gagnaugað var lítið til ráða. Ég spurði bæjaryfirvöld (sem vel að merkja höfðu eytt miklum tíma í að reyna að sannfæra stjórnmálafræðinema um að gatnakerfi Kópavogs væri hið allra besta á landinu) hvers vegna Hlíðarsmári 15 væri við Holtasmára. Meðlimir bæjarstjórnar urðu grafalvarlegir í framan við þessa fyrirspurn og sögðust ætla að kanna málið. Ætli það verði ekki bara sett í nefnd.
Annað sem vakti athygli mína í ferðinni í gær var að bæjarstjórnendur lýstu yfir með miklu stolti hvað mikið væri um glæsibyggingar í Kópavogi. Máli sínu til stuðnings nefndu þau Hamraborgina sem dæmi. Það þótti mér alveg hrikalega fyndið þar sem ég hef bara heyrt Hamraborgina kallaða Hamrasorg, meira að segja af fyrrverandi Kópavogsbúum.
En Kópavogsbúar mega eiga það að þeir kunna að búa til snittur (eða alla vega kunna þeir að panta snittur). Bjórinn var góður og brauðið líka. Það er gott að drekka í Kópavogi.
Sunna 17:19
|
|
|
|
|
|
|
