|
|
Hmmm... |
|
|
|
"Judge all you want, but married a lesbian, left a man at the altar, fell in love with a gay ice dancer, threw a girl's wooden leg in the fire, livin' in a box!!!"
|
|
|
|
|
|
|
|
|
mánudagur, september 15, 2003 |
|
|
|
Syndgað um helgina
Jæja, annasöm helgi búin og ég mætt í vinnuna aftur. Mig langar í frí, skreppa til Spánar og slaka aðeins á. En maður getur víst ekki fengið allt.
Annars var helgin fín. Vísindaferð með sagnfræðinemum í Ölgerðina á föstudaginn og hitti nýnema í stjórnmálafræði síðar um kvöldið. Óli fór í nýnemaferð Politicu og varð fullur eins og allir hinir nýnemarnir. Þessi nýnemaferð er alveg frábær. Ég öfundaði hann að vissu leyti yfir því að fara í ferðina... en bara að vissu leyti. Ég er búin að fara í 2 nýnemaferðir og það þykir ágætt.
Þegar ég var komin með nóg af nýnemum fór ég að hitta Hjördísi þegar hún var búin að vinna. Við hittum svo Óla og fórum á Ara í Ögri. Mig grunar að hún hafi ekki verið neitt allt of ánægð með ástandið á okkur. Þegar hún var búin að sporðrenna einum bjór vorum við nær dauða en lífi enda höfðum við byrjað örlítið fyrr að djamma, ég um hálffimm og Óli um sexleytið.
Á laugardagskvöldið gafst okkur tækifæri til að bæta upp fyrir að vera lúin á djamminu kvöldið áður. Ákveðið var að horfa á einhverja fjaðurvigtartitti lumbra hvor á öðrum og sötra bjór með. Hmmm... ég sofnaði í fanginu á Hjördísi og Óli sofnaði í stólnum. Anton og Hjördís afrekuðu hins vegar að halda sér vakandi allan tímann. Af hverju í ósköpunum sýna þeir boxið svona seint um nóttina???
Í gær náði ég þó að halda mér vakandi. Stelpunum úr MR var boðið í heimsókn og ég fór upp á kellingalevel eina kvöldstund, bjó til heitan brauðrétt og tók þátt í brúðkaupsumræðum. Mér finnst ég hafa syndgað alveg hrikalega! Orkan í dag fer því að mestu í því að ná mér niður aftur og verða 18 ára á nýjan leik. Ég er svo óþroskuð og barnaleg.
Sunna 12:57
|
|
|
|
|
|
|
