|
|
Hmmm... |
|
|
|
"Judge all you want, but married a lesbian, left a man at the altar, fell in love with a gay ice dancer, threw a girl's wooden leg in the fire, livin' in a box!!!"
|
|
|
|
|
|
|
|
|
miðvikudagur, nóvember 05, 2003 |
|
|
|
Lýst er eftir geisladiski
Nú eru góð ráð dýr. Þannig er mál með vexti að mig langar ofsalega í geisladisk með prúðuleikurunum. Þetta er jóladiskur með einu af uppáhaldsjólalögunum mínum: On the first day of Christmas. Í því lagi fer Miss Piggy á kostum. Hún fær eina línu og þarf að sjálfsögðu að gera sem mest úr henni. Línan er "FIIIIIIVE GOOOOOOOLD RIIIIIIING" og eftir því sem líður á lagið spæsar hún það aðeins upp með nokkrum "BARABBABBA".
Þetta lag er alveg óendanlega fyndið og kemur mér alltaf í gott skap. Nú er ég búin að sörva netið og leita að þessum disk en finn hann hvergi. Ég finn hann ekki á Skífu-vefnum og hef ekkert fundið sem gefur mér til kynna hvað diskurinn heitir. Ég er meira að segja búin að leita í safnakerfi RÚV en ekkert gengur. Reyndar er safnakerfið svolítið dyntótt stundum og neitar stundum að finna fyrir mann hluti eftir efnisorðum, vill bara fá nákvæman titil.
Er einhver þarna úti sem á þennan disk eða þekkir til hans? Mig langar svo að finna hann fyrir jólin að því fá engin orð lýst (ok, þetta er kannski aðeins fært í stílinn...). Þetta lag er oft spilað fyrir jólin þannig að diskurinn hlýtur að vera til einhvers staðar. Ég bið alla sem hafa upplýsingar um þennan disk og umrætt lag að tjá sig um það í kommentakerfinu eða senda mér tölvupóst.
Sunna 13:43
|
|
|
|
|
|
|
