|
|
Hmmm... |
|
|
|
"Judge all you want, but married a lesbian, left a man at the altar, fell in love with a gay ice dancer, threw a girl's wooden leg in the fire, livin' in a box!!!"
|
|
|
|
|
|
|
|
|
mánudagur, nóvember 17, 2003 |
|
|
|
Sjúkdómsgreining
Undanfarið hef ég haft leiðinda verk í síðunni. Á föstudaginn gafst ég upp á honum og ákvað að láta lækni kíkja á mig á læknavaktinni. Ég lenti á ágætiskalli sem potaði í alla aumustu blettina og fannst skrýtið hvað verkurinn var víða. Hann ákvað að senda mig í sónar (neibbs, ekki ólétt) til að athuga hvort blætt hefði inn á einhver líffæri eða til að athuga hvort ég væri með gallsteina.
Hann sagði að ég ætti að fara beint á bráðamóttökuna ef ég versnaði en ef ég stæði í stað þá væri nóg að fara í sónar á Domus Medica. Það gerði ég svo í morgun. Var látin fækka fötum, klæða mig í slopp og sett inn á stofu með svona sónartæki. Læknirinn hét (og heitir væntanlega enn) Jörgen og hann talaði með mjög fyndnum hreim. Það var ekki gott því mig langaði alltaf að hlæja en það hefur verið frekar sárt upp á síðkastið.
Nú, nema hvað. Áður en hann kveikti á græjunum sá hann hvernig ég bar mig og sagði: "Nei, sko! Þú hlýtur að vera rifbeinsbrotin!" Hann skoðaði öll líffærin í sjónvarpinu (ýkt kúl að sjá þetta) og fann ekkert að. Hann var svo pottþéttur á að ég væri brotin að hann ákvað að skipta um stillingu á tækinu, setja á yfirborðsskoðun og finna brotið. Og viti menn, ég er rifbeinsbrotin. Honum fannst þetta svo kúl að hann bað mig um að vera módel fyrir 3 læknanema. Það að finna brot í sónar, sem ekki er hægt að greina á röntgenmynd, þykir nebbla vera helvíti kúl. Myndin var mjög skýr, brotið var skýrt og mjög stór svartur flekkur var fyrir neðan. Það var sko blóðið sem hafði farið inn á vöðvann. Þetta þótti mér ákaflega kúl.
Það er gott að vera komin með þetta á hreint. Ég fékk lyfseðil upp á fullt af dópi og á að fara vel með mig næstu vikurnar. Hlátur, hósti, hnerri, hiksti og allt svona er mjög sárt og Óli veit það ósköp vel. Honum hefur samt fundist svakalega fyndið að vera óeðlilega fyndinn bara til að kvelja mig. Merkilegt að sá sem segir lélega brandara að jafnaði skuli allt í einu taka upp á því að vera fyndinn. Það er ekkert fyndið!
Sunna 15:28
|
|
|
|
|
|
|
